Ekspozita e shumëpritur dixhitale, “PREJARDHJE” është tashmë e hapur për të gjithë dashamirët e artit dhe trashëgimisë kulturore, dhe e tillë do të jetë deri më 5 Shkurt, çdo ditë prej 15:00 deri 19:00.

Më 30 Janar hapëm dyert e Galerisë së Arteve në Ferizaj dhe mirëpritëm qytetarë, anëtarë të komunitetit artistik e kulturorë, si dhe përfaqësues të institucioneve publike lokale e vendore në hapjen ekskluzive të ekspozitës së parë dixhitale në Ferizaj- “PREJARDHJA”.

Përmes kuratorëve En Sylejmani e Fortunë Haziri dhe asistimit të artistëve/dizajnerëve të rinj Gentrit Osmani dhe Dren Osmani, MuralFest Kosova solli në jetë ekspozitën e parë të këtij lloji e cila motiv kryesor ka shpalosjen para publikut të gjetjeve arkeologjike të përpunuara dhe të promovojë pasurinë kulturore të rrënjëve tona.

Ju mirëpresim të njohim së bashku trashëgiminë dhe rrënjët që ushqejnë autenticitetin tonë, e këtë ta bëjmë përmes një forme bashkëkohore të artit që na e paraqet “PREJARDHJA”.

@Dren Osmani

[ Ky projekt u mundësua nga Ministria e Kulturës, Rinisë dhe Sportit. ]